MANORIN ATUS IDA HAT NULU RESIN-HITU IHA MUNISIPIU LIKISA LABELE HALAO KNAR TAMBA HO KONDISAUN MORAS.
DIREKTOR EDUKASAUN MUNISIPIU LIKISA ZITO ANTONIO DE OLIVEIRA HATETEN EDUKADOR NAIN ATUS IDA HAT NULU RESIN-HITU NEBE PROVIZORIU LA HALAO KNAR PREJUDIKA PROSESU APRENDIZAJEN IHA ESKOLA SIRA.
“SIRA HAMUTUK NAIN 147 MAKA LABELE HAMRIK IHA SALA LARAN TAMBA SIRA HO KONDISAUN MORAS.”
EDUKASAUN MUNISIPAL LIKISA HAFOIN HETAN VIZITA HUSI KOMISAUN G PARLAMENTAR NIA HUSU ATU KRIA PLANU REKRUTAMENTU BA EDUKADOR FOUN NUNE BELE SUBSTITUI EDUKADOR SIRA NEBE KONDISAUN SAUDE LA PERMITE.
HATAN BA PROBLEMA NEE PRESIDENTE KOMISAUN G ANTONIO VERDIAL DE SOUSA HATETEN KOMISAUN G PRODUZ RELATORIU NUNE APREJENTA BA PARLAMENTU NASIONAL.
“KLARU, HANESAN DEPUTADU LABELE ULTRAPASA SERVISU EJEKUTIVOS NIAN. NE’E HANESAN HALERIK IDA MAI HUSI MANORIN NAIN SIRA, RESPONSAVEL MANORIN NAIN MAKA DIRECTOR EDUCASAUN MUNICIPIO. ATU HATETE DEIT HALERIK SIRA NE’E SEI LA MONU IHA DALAN HALERIK SIRA NE’E PARLAMENTU NASIONAL LIU HUSI DEPUTADU SIRA SEI HAKLAKEN LIU HUSI RELATORIO NE’EBE KOMISAUN G SEI PRODUZ NO SEI LORI BA PLENARIA ATU NUNE’E BELE HAKLAKEN ANAFATIN.”
AUTORIDADE MUNISIPIU LIKISA APREJENTA PREOKUPASAUN NEBE INFRENTA BA KOMISAUN G PARLAMENTAR NUNE BELE TAU KONSIDERASAUN.
JORNALISTA: VALDO COSTA
EDITOR : LEONETO DOS SANTOS
