by

POPULASAUN LIKISA PREOKUPA PRESU FOS IHA MERKADU

Presu fos  kontinua amenta iha merkadu munisipal likisa,dadaun nee fos ho kilograma 25 sae ba dolar amerikanu 16,no kilograma 30 sae ba dolar amenrikanu 18.

Komunidade Yohanes  Taek  senti preokupa  tebes  tamba  folin fos  sae ba  dolares  16 too 18 ,difikulta ba komunidade sira atu sosa,tamba nee nia parte   husu  ba  governu  atu tau atensaun  presu fos iha merkadu likisa

“tamba saida maka  fos nee folin sae hanesan nee,ami hakarak  folin fos iha merkadu  tenki normal se  folin sae hanesan nee ami povu  hola labele.”

Vendedor fos  Deolinda Luisa dos Santos  hateten   sira hasae presu  Fos ba kilograma 25 ba  dolares 16 no kilograma 30 ba dolares 18,tamba  stok fos iha sira nia armagen menus no sira labele ba  kompras fos iha dili tamba  lockdown .

“ami hasae folin tamba  fos iha ami nia besik atu hotu  ona, no ami atu ba hola iha dili maibe dalan taka  entaun ami labele ba hola.”

Sorin seluk  negosiante  Carlota da Silva reforsa liu tan katak rajaun sira hasae folin  sasan tamba   lockdown sira labele ba sosa  sasan iha Dili.

“agora ita nia maluk sira mai  dehan ita tenki hatun folin  fos, maibe agora ita atu ba hola iha dili maibee dalan taka,ita atu ba hola iha neebe.

 komunidade sira  husu  ba parte kompetente  atu buka  solusaun  ba  sira nia preokupasaun nee tamba ,bainhira  folin fos sae ba bebeik maka  komunidade sira laiha kbiit atu sosa.

Jornalista             : Eduardo Exposto

Editor                    : Leoneto Santos

Comment