SERVISU SAUDE MUNISIPIO LIKISA KUARTA FEIRA HORSEIK DESLOKA BA SUKU LEOREMA HODI HALO TESTE SWAP BA SIDADAUN NAIN 4 TAMBA FOIN TAMA MAI HUSI DILI.
XEFI DEPARTEMENTU PROGRAMATIKU NO VIZILANCIA BA COVID-19 IHA MUNISIPIO LIKISA FERNANDO DA CONCEICAO HATETEN EKIPA SAUDE HALO TESTE BA SIDADAUN SIRA TMBA SIRA FOIN EVAKUA HUSI DILI MAI,NUNEE BELE EVITA TRANSMISAUN MORAS COVID-19.
“BAZEIA BA MEDIA NE’EBE ITA HOTU ASESU KATAK AGORA DADAUK TRANSMISAUN LOKAL BA COVID-19, ITA ATU ASEGURA ITA NIA MUNICIPIO LIQUIÇA TAMBA IHA INFORMASAUN KATAK ITA NIA COMUNIDADE BALUN REKUA HUSI DILI LARAN MAIENTAUN ITA KONSIDERA NE’E HANESAN MOS RISKU TAN NE’E AMI SERVISU HAMUTUK HO LIDER KOMUNITARIO SIRA, HAMUTUK HO OPS HO PESOAL SAUDE SIRA SELUK ATU BELE HALO TEST SWAB BA MALUK SIRA NE’EBE EVAKUA HUSI DILI MAI OHIN NE’E TEST SWAB BA EMA NAIN HAT ( 4 ).”
EKIPA SAUDE NAFATIN BUKA TUIR SIDADAUN BALLUN NEEBE DESKUNFIA MAI HUSI DILI LIU HUSI DALAN ILEGAL.
“IHA EMA BALUN PRESIJA DESPASU BA EMA SIRA NE’EBE AMI HETAN TIHA INFORMASAUN MAIBE AMI SEIDAUK HALO INVESTIGASAUN BA EMA SIRA NE’E, IHA MALUK BALUN LADUN KOPERA HAMUTUK HO PESOAL SAUDE SIRA MAIBE ITA TENKI NAFATIN HALO APROSIMASAUN HO SIRA ATU NUNE’E EMA SIRA NE’EBE ITA KONSIDERA EAVAKUA HUSI DILI WAINHIRA IHA TEMPO LOCK DOWN.”
XEFI SUKU LEOREMA SANDRA DE ARAUJO HUSU BA KOMUNIDADE SIRA ATU KOPERA HO AUTORIDADE NO PARTE SAUDE ATU EVITA TRANSMISAUN MORAS COVID-19 IHA SUKU LEOREMA.
“IDA NE’E MAK ITA HOTU-HOTU TAU ATENSAUN HOTU TAMBA EMA IDA-IDAK TENKI KUIDADU AN TAMBA MORAS NE’E LAOS AMI AUTORIDADE LOKAL MAK FO MORAS NE’E LAE, MORAS NE’E MORAS MUNDIAL NIAN, PORTANTU EMA IDAIDAK TENKI KUIDADU NIA AN, LAO UJA MASKRA, TENKI MANTEIN DISTANSIA SOSIAL ATU NUNE’E EVITA MORAS NE’E LABELE DAET.”
TESTE SWAP NEE RASIK SEI LORI BA LABORATORIUN NASIONAL HODI HALO ANALIZA MAKA BELE FO SAI NIA REJULTADO.
JORNALISTA : VALDO COSTA
EDITOR : LEONETO SANTOS
