Komunidade iha suku mota ulun postu administrative bazartete munisipio likisa senti triste tamba sira nia produtu lokal hahu dodok no estraga deit iha tos laran tamba sira labele lori ba faan iha merkadu relasiona ho lockdown iha munisipio dili.
Marta Alves Ribeiro hanesan Vendedor neebe baibain sempre lori produtu ba faan iha dili,maibee agora sira nia produtu hahu at no dodok deit iha tos laran tanba sira labele transporta produtu hirak nee ba Dili.
“ami nia produtu hanesan aifarina tahan fore tali tomati no sira seluk tan too agora ami la faan kuaze loron lima ona,ami nia produtu sira nee estraga deit.”
Sorin seluk Izaias Pereira hatutan durante lockdown nia produtu kuaze dolares amerikanu 100 maka estraga deit ,tmba labele lori ba faan .
“foin lalais nee hau nia sasan barak maka hau estraga deit,produtu sira neebe estraga kuaze dolares merikanu atus rua,ami atu lori ba faan mos dalan taka,entaun estraga deit.”
Xefi aldeia klasu rekonese produtu komunidade sira nian estraga deit,tamba la transporta ba merkadu,nia rekomenda ba governu atu buka solusaun lalais ba komunidade nia preokupasaun sira nunee sir abele halao nafatin sira nia atividade hodi sustenta nesesidade uma laran.
“komunidade sira produtu durante sai dodok hotu ,ema nia produtu hanesan fore tali kuandu panen dala ida kuaze dolares amerikanu atus ida resin maibee estaraga deit tamba lockdown dalan taka sira labele lori ba faan iha Dili.”
Komunidade sira nia produtu hanesan tomate aimanas modo ,tahan,fore tali,no sira seluk tan barak maka estraga deit,komuidade sira balun mos preokupa tamba sira halo kreditu iha MORIS RASIK,tenki estor semana semana
Jornalista : Eduardo Exposto
Editor : Leoneto Santos
