by

ANASTASIA LURUK SORU TAIS HODI SUSTENTA NESESIDADE UMA LARAN

Anastasia Luruk Sera  inan feton ida neebe  hela iha suku  asumanu ho nia oan nain tolu,loron loron halao nia atividade soru tais hodi sustenta nesesidade uma laran.

Nia hateten  ekonomia uma laran la sufisiente  tamba nee nia oan labele kontinua ba eskola,loron loron inan feton nee soru tais  hodi  faan nunee bele   hatutan moris loroloron nian.

“oan sira atu ba eskola mos osan laiha dada  fila fali mai, hau iha oan nain hitu,nain haat  fila hela nain tolu,ida ikun maka eskola hodi bit,nain rua sai tiha ona tamba osan laiha

Anastasia Luruk esplika ,labele  hare deit ba mane mak buka osan  hodi sustenta  nesesidade uma laran,maibee feto mos tenki esforsu hodi kompleta malu.

“ita atu hare deit mane mak servisu mos labele,hau tenki halo servisu ida nee hodi kompleta nesesidade uma laran.”

Anastasia  Luruk Sera halao nia servisu hanesan soru tais  desde kiik  too agora nia forma uma kain, nafatin  kontinua hodi responde ba nesesidade uma laran nian.

Jornalista         : Eduardo Exposto

Editor              : Leoneto Santos

Comment