by

SAUDE HUSU AUTORIDADE LOKAL SOSIALIZA NAFATIN VASINA BA KOMUNIDADE

TERSA FEIRA NEE IHA SALAUN ENKONTRU ADMINISTRASAUN POSTU MAUBARA ,XEFI SENTRU SAUDE POSTU ADMINISTRATIVU MAUBARA  HUSU BA AUTORIDADE LOKAL SIRA ATU SOSAILIZA  NAFATIN BENEFISIO HUSI VASINA COVID-19 BA KOMUNIDADE SIRA.

XEFI SENTRU SAUDE MAUBARA  AGOSTU DE JESUS  HATETEN LIDERANSA KOMUNITARIO SIRA  PRESIZA SOSIALIZA NAFATIN BA KOMUNIDADE SIRA,LABELE FIAR LIU BA RUMORIS IHA MEDIA SOSIAL.

“ Bele Fiar netik ami para saude implementa serviso sira nee ba komunidade ho diak tamba ita se ita hanesan lider  maka ita ganya informasaun nebe mak mai husi media social maka la diak ona klaro que ita nia komunidade sira tauk liu tan, se sira mak tauk liu tan ntaun sira labele hetan benefisio nebe mak estado fo, aimoruk ida nee mos atu dehan karun liu mos lae ou atu dehan bratu liu mos lae kada ema ida sona kona $.4.00 nee estado tenki hola.”

PESOAL   SAUDE SIRA  NAFATIN IHA ESPERANSA NO  GARANTIA   KATAK PROGRAMA VASINASAUN NEE  SEI FO BENEFSIO  DIAK BA POPULASAUN HOTU ATU ,LUTA  KONTRA PANDEMIA COVID-19.

“ ami husi saude garante katak programa saude nee programa diak tebes atu halo prevensaun ba ita nia komunidade,ita boot sira dala ruma iha media social nee buat barak mak ita boot sira hare mosh au hanoin katak ita boot sir abele fiar netik ami para bele implementa programa sira nee ba komunidade ho diak.”

ENKUANTU INTERVALO BA VASINA NEE MAKA  EMA NEEBE SIMU ONA VASINA DOZE PRINMERU MAKA SEI SIMU TAN DOZE SEGUNDU DEPOIS DE KOMPLETA SEMANA 8

Jornalista          : Yona Pereira

Editor               : Leo Santos

Comment