Governu Estadus Unidos Amerika liu husi Care Internasional iha komitmento servisu hamutuk ho Ministerio Edukasaun hodi apoio Setor Edukasaun liu husi nia programa no planu sira neebe iha.
Lia hirak nee hato husi Embaixador EUA iha Timor Leste Tom Daley bainhira halo vizita ba Eskola Ensinu Baziku Filial 1 2 Lebutelu Postu Administrativu Maubara Munisipio Likisa Tersa Feira nee hodi hare direta programa neebe Care hatutan implementa.
Iha intervista embaixador EUA iha timor leste Tom Daley imforma EUA nafatin servisu hamutuk ho Governu Timor Leste hodi apoio Setor Edukasaun diak liutan iha futuru.
“ Embaixada Amerika Orgullu teb-tebes atu halo parseria ho Governu Timor Leste atu promove eskola sira ,liu husi programa neebe EUA apoio ba eskola sira maka apoio merenda eskolar ba eskola sira iha Munisipio 4”.
Fatin hanesan Country Diretur Care Internasional Peter Goodfellow hateten apoio neebe durante nee care halo ba eskola sira maka merenda eskolar ,apoio formasaun ba professor sira,apoio Livru ba eskola, Revista Lafaek no programa sira seluk tan .
“ Care ho nia Parseiru sira Mercy Corp no Water Aid hodi apoio eskola sira iha munisipio hat no komunidade sira”.
Ba dadaun nee care apoio hela ba eskola sira iha Munisipio Hat hanesan Ainaro Manatutu Likisa no Ermera
