Likisa RKT (11/11/2021) Selebrasaun tinan 30 masakre 12 novenbru , autoridade munisipio Likisa husu juventude kria unidade hodi kontribui ba prosesu dezemvolvimentu .
Adjunto administrador munisipio likisa Antonino Pinto hateten iha selebrasaun tinan 30 masakre 12 novenbru foin sae jerasaun foun tenki hamutuk kria paz no estabilidade.
“ joven sira tenki kontribui,no ba estudante sira tenki estuda hodi dezemvolve rai ida nee tamba ita bot sira mak future nasaun timor leste nian.”
Nia hatutan dezemvolvimentu atu lao diak importante liu maka paz no estabilidade ,atu lori prosesu dezemvolvimentu ho diak liu tan ba oin.
“paz ho estabilidade garantidu dezemvolvimentu lao ho diak ,mais kuandu la kria paz no estabilidade it abele iha planu barbarak maibe ita sei la halo buat ida.”
Selebrasaun loron 12 novembru tinan nee iha postu admnistrativu maubara halao ho atividade kampana vasina kontra covid 19.
