Komisaun organizadora selebrasaun 28 Novembru tinan nee iha Munisipio Likisa ohin muda feira neebe iha merkadu mai iha jardim .
Diretur Rekursus umanus Munisipio Likisa Deonizio da Costa hanesan mos responsavel ba sesaun komemorasaun nian hateten rajaun muda feira ba iha jardim nee atu hakbesik komunidade sira nia partisipasaun masimu iha loron isar bandeira nian.
“ ita nia area konsentrasaun nee iha kampo futebol tamba nee ita muda feira nee mai iha nee atu nunee ita nia komunidade sira bele partisipa masimu iha selebarsaun nee.”
Deonizio da Costa husu ba ema hotu atu partisipa iha komemorasaun nee tanba nee importante ba timor oan hotu.
“ selebra loron nasional nee ,husu ba ita hotu atu partisipa masimu.”
Dadaun nee komisaun organizadora kontinua halo preparasaun masimu ba komemorasaun nee.
