Istoria

Hanoin no hare ba Timor Leste nia Luta hodi alkansa nia Ukun Rasik an  Comunidade Municipio do Liquiça hamutuk representativo ema nain  9 hosi Administrasaun Municipalidade Bazartete, Maubara ho Liquiça Villa deside assina karta declarasaun ida hodi establese Media Lokal ida ho naran Radio Comunidade  TOKODEDE  iha dia 5 fulan Novembro tinan 2001.

Radio ne’e nia prosesu hahu komesa uluk ho halo Coperasaun ho Fundasaun USAID ho OTI ho NGOS Internasional nebe mos hetan suporta makas hosi Ministro Estrangero ETTA  Dr. Jose Ramos Horta, suporta sira ne’e hahu atu fo tulun hodi hari Stasaun Radio ho ida ne’e.

Liu hosi coperasaun nebe halo ami konsege  hetan tulun material  Transmisaun Radio, ekipamentos hanesan Computer no mos sasan seluk tan. Ami mos huso tulun ona ba UNTAET  dirasaun Land Property  hodi fo lisenca ba Radio Comunidade hodi okupa edeficio Ex-kantor kecamatan Liquiça kota hodi halo  rehabilitasaun.

Prosesu hirak ne’e hetan apoio maximu hosi  Lider Registencia hosi CNRT inklui Frente Clandistina , Frente Armada ho Frente Diplomatik  nebe tempu neba sidauk desolve, nudar Radio nebe hari hosi Comunidade hahu tinan fulan Feverero 2002- 2004 hahu prepara nia recursu inklui hetan treinamento hosi INTER-NEWS, no hetan mos apoio mos MENTOR iha nebe halo akompanhamento ba Institusaun ne’e.

Radio Comunidade nebe hari ho Prinsipio Fundamental Voluntarios ho Motto Mata-Dalan ba Progressu sei kontinua ejiste hodi responde audencia nia hakarak.

Atu dehan deit Radio Comunidade Tokodede hamrik iha tinan 2001 uluk tinan ida hosi prosesu aprovasaun Constitusaun RDTL hosi Assembleia Constituante ne’ebe sai hanesan abut ba Nasaun, Radio Comunidade Tokodede sente honrado tanba “artigo 41 Constitusaun RDTL hametin liu tan Liberdade empreza ho  Media massa  alinha 2 ho 4  Comunidade Liquiça.

Radio  Comuidade  Tokodede  hamrik laos para atu halo oposisaun maibe atu  acegura no oferese  informasaun ba Comunidade relasiona ho progressu dezemvovemento  Ekonomia, Politik, Sosial  ho  Cultura iha  Municipio do Liquiça,  Radio  ida ne’e mos sei sai  Instrumentu ida ne’ebe Povu uja atu fo no simu informasaun, ami esperanca katak Radio Comunidade Tokodede mos  sei promove  Democrasia  iha Timor Leste ho lian Tetun, no Lian Local.

Radio Comunidade Tokodede mos hamrik atu fo resposta ba era globalijasaun  Informatika ne’ebe horas Timor Leste hasoru liu-liu Povu Tokodede Liquiça. Actividade ne’ebe hala’o hosi Radio Comunidade Tokodede sei efectivo nafatin iha FREKUENSIA 92. 3 MHz.